خطرها الخاطر كيف خاطر خاله

خطرها الخاطر كيف خاطر خاله
يريد ينستر والوقت فيه ايعري.

ويريد ايتفسح في بياح أطلاله
بعيد عن مجالس قصقصه و تحري.

وعن مجتمع  فيه النفاق قباله
والحق جانبه مو للغبا متعري

واضح وضوح الشمس في القيّاله
ويريده الظالم فـ المخابي سري

ورجال العداله ضيعوا العدالة
ياقاضي السما قاضي الوطا متجري.

بلا دليل ماخاف الرقيب ايساله
أمحبس برايا والجُناه أمبري.

والمقدم ايمذرح ملتهي في حاله
أمحلط علي ثروه تقول أمجري.

عليهم أسفي سافيك هو واشكاله
و بما عندهم يا نفس لا تغتري.

أرزاقهم حرام وفى الفتن عوّاله
ونسأل المولى مالهم تضطري.

وشاكر الله العقل حد آماله
نعيش دنيتي خيري أمكفي شري.

.#أنها ابداعات المبدع
 ...الشاعر.. هارون بوكحيف

تعليقات

إرسال تعليق

المشاركات الشائعة من هذه المدونة

الناس يشكروه أن كان واجد ماله

صورة
الناس يشكروه أن كان واجد ماله. . حتى وهو عطيب اصرادت الرجاله ابعيني ريته.  جاه صيت لاشوره ولاهو صيته .. لا ينطرا ضايف عزم في بيته  ولا عمر راقد ريح يوم مشاله واجد اللي منغر في سدريته  فيه يشكرو ديمه عرب حكلاله يفك في مشاكل واجده ثاريته ركابة المفاخر للعقد حلاله زمان ينطرا فيه العطيب القيته وغبيو ضنا لجواد والحماله الدنيا بعدهم مالها تثبيته اليوم كلشي مهزوز من معداله .الناس يشكروه أن كان واجد ماله حتى وهو عطيب اصرادت الرجاله المال يحلي حتى النذل يبقي فالسما متعلي يصاحب هذاك وهذا واللي واللي وتلقي الدنيا كلها تدماله حتى وهو عليهم كلهم متخلي وعند الشدايد ينتسو من باله ومامن اللي فارس الهم يجلي امدرب علي عزمت الضيف اعياله قاسي عليه الوقت نين امخلي الناس كاربه منه اتقول اتساله اوقات يشكروه أن كان واجد ماله  حتى وهو عطيب اصرادة الرجاله
قراءة المزيد

صبوا بعد صبوك

صبوا    بعد   صبوك     ياكبرينا   اتقول   الجماعه  مانين علينا  وايش ايفيد  احذاك ريت خلاطه وكوم حديد  امغير حكي ماضني يسير جديد  شرهت سعتا بطلت وانسينا واحنا كيلي خذنا علي التلبيد  انعشت وعطاك الله عمر احيينا   اشون اشون  اللي ما عقاب اصياغ رمله  سن  باللهي عليكم ماحديث يجن  وان كان هالكلام يجيب نقد اعفينا  بلاش خير من قولت انعن وانعن  ولمة الياقه فالعقاب  اتجينا  ويسير عيب ويقولوا سببها من  كاتب ابيوت الشعر جرح فينا  مانيش مجرم حرب نين انشن  مطلب بسيط ان كان حسو بينا  #صبوا__وما__صبوك
قراءة المزيد

في مجتمعنا

صورة
في مجتمعنا  أصبح (الرجل يقاس بالمال) لا يسألك أحد عن دينك  ولا عن اخلاقك  عندما طلبت نسب احداهم  فلا ينظرون اله الي المال  فحسب لذالك كثرة نسبة الطلاق  وكثرة الجرائم  حتى في المناسبات تجد الأكثر مالا هوى  من يتحدث ويجلس فالصداره  حتى وإن كان صغير السن  اقول لك بكل صراحه  حتى معظم فطورات رمضان  قد تكون مصالح  من أجل مصلحه  اله من رحم ربي  أذا  لا نستغرب عندما يحل علينا الوباء  والمرض والسخط  فنحن  من فعل هذه  . اللهم اصلح حالنا  واهدنا فيما هديت
قراءة المزيد